Paytaxtda yerləşən möhtəşəm launc-restoranın əsasını təşkil edən bir neçə amil mövcuddur: nəfis mətbəx, rahat interyer və peşəkar xidmət. Özündə bütün bu amilləri birləşdirən “Atmosphere” launc-restoranı ailə şənlikləri, korporativ ziyafətlər, romantik axşamlar və dostyana əyləncə gecələrinin keçirilməsi üçün əvəzolunmaz məkandır.
«Atmosphere» günün istənilən vaxtı bir fincan ətirli qəhvə arxasında söhbətləşmək və ya beynəlxalq mətbəxin təamlarından dadmaq, dincəlmək, bilyard, masaüstü tennis, darts oynamaq və qızğın şəhər həyatından ayrılaraq istirahət etmək üçün möhtəşəm məkandır.
Özünəməxsus dizayna malik VIP kabinetlərin interyeri menyunun məzmununu əks etdirir. Müxtəlif konsepsiyalar əsasında ərsəyə gətirilmiş zallar özündə fərdi ab-hava yaradan və launc-restoranın qeyri-adiliyini vurğulayan təbii fakturaları, metal konstruksiyaları və parlaq fotoşəkilləri birləşdirir.
«Atmosphere» launc-restoranında sizi həqiqi dad festivalı gözləyir! Özündə fərqli mədəniyyətlərə məxsus təamları əks etdirən müxtəlif menyular sizi planetin müxtəlif guşələrinə səyahətə aparacaq. Restoranın menyusunun əsasını dünya mətbəxlərinin ənənəvi təamlarından ibarət zəngin mətbəx təşkil edir. Siz doğma şəhərin hüdudlarını tərk etmədən qastronomik dünya səyahətinə çıxacaqsınız.
