Məkanın zərif interyeri qarışıq üslubdadır: restoranın məxmər, dəbdəbəli kresloları olan qlamur interyeri İçəri Şəhərdə yerləşən binanın qədim divarlarına hörülüb. Mərkəzi zalın daş tavanı altında süfrə salınmış stollar yerləşir. Məxmər, rəngbərəng kreslolar, qabların parılıtısı, güzgülərin bürünc çərçivəsi restoranda daha qədim abu -hava yaradır. Zəngin və maraqlı interyerdə zamanla üslubun görüşü baş verib, məkanın menyusunda isə Azərbaycan və Avropa mətbəxi qarşılaşıb.
